له ‌عه‌ره‌بستانی‌ سعودی به‌هه‌ماهه‌نگی‌ له‌نێوان سێ برادا، ڕێستورانتێكی‌ خوارده‌مه‌نی‌ خێرا كراوه‌ته‌وه‌‌و تیایدا بۆ یه‌كه‌مجار گۆشتی‌ حوشتر بۆ دروستكردنی‌ سه‌نده‌ویچی‌ هه‌مبرگر به‌كار ده‌هێنن.

محه‌مه‌د قوه‌یسی‌ یه‌كێك له‌و سێ برایه‌ سه‌باره‌ت به‌و هه‌نگاوه‌یان وتی‌:"له‌سه‌ره‌تادا به‌ده‌نگه‌وه‌هاتنی‌ بیرۆكه‌كه‌مان له‌خاویدابوو، به‌لاَم ڕۆژ له‌دوای‌ ڕۆژ‌و دوای‌ تاقیكردنه‌وه‌ی‌ هه‌مبرگره‌كانمان، له‌ئێستادا داخوازییه‌كی‌ یه‌كجار زۆری‌ له‌سه‌ره‌".

قوه‌یسی‌ وتیشی‌:"به‌هۆی‌ ئه‌وه‌ی‌ گۆشتی‌ حوشتر له‌سعودیه‌ زۆر به‌كار ده‌هێنرێت، بۆیه‌ ڕێژه‌ی‌ فرۆشتنی‌ ئه‌و جۆره‌ هه‌مبرگره‌، ڕوو له‌زیادبوون ده‌كات".

سه‌رچاوه‌ : ئاژانسی هه‌واڵی ناوه‌خۆ (NNA)